Halik
Marahang-marahang halik,
tila paroparo sa munting bulaklak
ang labi ng mangingibig sa talukap ng sinta.
Dumadaloy, kibot sa kibot, dili sa dili
daigdig na walang bahid ng ligalig.
matang-tubig ng pagmamahal.
Ngunit alam ng mangingibig:
itong talulot ng isip at damdamin
ay mapupunit, gagapangan ng uod.
Tutulay sa tangkay ng bulaklak
sa kabila ng nagwawaksing tinik:
mangangatngat ang ubod.
Ganyan ang pag-ibig:
pugad ng halimuyak ng tamis
at sulasok ng di-masisikmurang pait.